ച്ചാൽ – മരുതായി റോഡ് ജനവരിയിൽ പൂർത്തിയാക്കും

മട്ടന്നൂർ
നഗരസഭയിലെ ഉരുവച്ചാലിൽനിന്ന്​ തുടങ്ങി മണക്കായി, കീഴല്ലൂർ, വെള്ളിയാംപറമ്പ്, കിളിയങ്ങാട് വഴി മരുതായി വരെയുള്ള കെഎസ്​ടിപി റോഡ്​ പ്രവൃത്തി അടുത്ത ജനുവരിയിൽ പൂർത്തിയാക്കാൻ ധാരണ. നഗരസഭാ ചെയർമാൻ എൻ ഷാജിത്ത്​ വിളിച്ചു ചേർത്ത ബന്ധ​പ്പെട്ട ഉദ്യോഗസ്ഥരുടെ യോഗത്തിലാണ്​ ഇതുസംബന്ധിച്ച തീരുമാനമായത്​.
മഴക്കാലത്ത്​ വീടുകളിൽ വെള്ളം കയറിയുണ്ടാകുന്ന ദുരിതം, ഡ്രെയിനേജിന്​ സ്​ലാബിടാത്തത്​, തെരുവ്​ വിളക്കില്ലാത്തത്​ തുടങ്ങി ജനങ്ങളിൽനിന്നുയർന്ന പ്രശ്​നങ്ങൾക്ക്​ അടിയന്തിരമായി പരിഹാരം കാണും. ഇതിന്‍റെ ഭാഗമായി നഗരസഭ പരിധിയിൽ വരുന്നറോഡുകളിൽ അഞ്ച്​ ട്രാൻഫോമറുകൾ മാറ്റി സ്ഥാപിക്കും. തെരുവുവിളക്കുകൾ സ്ഥാപിക്കാനും അവയുടെ അറ്റകുറ്റപ്പണി നടത്താനും അഞ്ചുവർഷം വൈദ്യുതിയുടെ ബില്ലുകൾ അടക്കാനും കരാറുകാരനെ ചുമതലപ്പെടുത്തിയതായി നഗരസഭാ ചെയർമാൻ എൻ ഷാജിത്ത്​ പറഞ്ഞു. ഇതിന്‍റെ ഭാഗമായി 252 തെരുവു വിളക്കുകൾ കെഎസ്​ടിപി റോഡിൽ കത്തിക്കും. റോഡ്​ വികസനത്തിന്​ സൗജന്യമായാണ്​ ഉടമകൾ സ്ഥലം വിട്ടുനൽകിയത്​. നഗരസഭാ ചെയർമാൻ എൻ ഷാജിത്തിനു പുറമെ വൈസ് ചെയർപേഴ്​സൺ ഒ പ്രീത, ​ റോഡ്​ കടന്നു പോകുന്ന പ്രദേശത്തെ കൗൺസിലർമാർ, കെഎസ്​ടിപി എക്​സി.എൻജിനീയർ കെ രാജേഷ്​, കരാറുകാരുടെ പ്രതിനിധി പി കെ സലീം എന്നിവരും യോഗത്തിൽ സംബന്ധിച്ചു.